རྒྱ་ནག་ཧྥུ་ཅན་ཞིང་ཆེན་ཕུའུ་ཐེན་གྲོང་ཁྱེར་དུ་འཛམ་གླིང་ཞི་བདེའི་ཆེད་ཚོགས་ཆེན།

ཕྱི་ལོ་༢༠༡༦ཟླ་༩ཚེས་༡ནས་༤བར་ཉིན་བཞི་རིང་རྒྱ་ནག་ཧྥུ་ཅན་ཞིང་ཆེན་ཕུའུ་ཐེན་གྲོང་ཁྱེར་དུ། སྤྱི་འཛམ་གླིང་ཞི་བདེ་དང་ཆོས་ལུགས་མཐུན་སྒྲིལ་སོགས་ཀྱི་ཆེད་དུ་ནང་པའི་རྒྱལ་ཁབ་བཅོ་ལྔ་ཙམ་ནས་ཕེབས་པའི་ཆོས་ལུགས་ཀྱི་དབུ་ཁྲིད་རྣམ་པས་གཙོས་པའི་ཚོགས་མི་སུམ་ཁྲི་ལྷག་མཉམ་འཛོམས་ཀྱི་ཚོགས་ཆེན་ཞིག་ཚོགས་གནང་འདུག །ཚོགས་ཆེན་དེར་བོད་བརྒྱུད་ནང་བསྟན་གྱི་སྐུ་ཚབ་ལ་འདབས་ཡང་སྟེང་བདེ་ཆེན་སྤྲུལ་སྐུ་མཆོག་དང་། ལི་ཐང་སྣ་པོ་དགེ་བཤེས་བསྟན་འཛིན་རྒྱ་མཚོ་རྣམ་པ་གཉིས་གདན་འདྲེན་ཞུས་འདུག །ཚོགས་ཆེན་སྟེང་དབུ་ཁྲིད་རྣམ་པས་འཛམ་གླིང་ཞི་བདེ་ཡོང་ཐབས་དང་ཆོས་ལུགས་མཐུན་སྒྲིལ་གནང་ཕྱོགས་སོགས་ཀྱི་སྐོར་བཀའ་མོལ་གནང་བའི་བརྒྱུད་རིམ་ཁྲོད་ནས་བདེ་ཆེན་སྤྲུལ་སྐུ་མཆོག་ནས་བོད་བརྒྱུད་ནང་བསྟན་གྱི་མགྲིམ་ཚབ་པ་གནང་སྟེ། སྤྱི་འཛམ་གླིང་ཞི་བདེ་དང་ཆོས་ལུགས་མཐུན་སྒྲིལ་གནང་ཐབས། བོད་གངས་ཅན་ལྗོངས་ལ་ནང་པ་སངས་རྒྱས་པའི་བསྟན་པ་དར་གུད་སོགས་ཀྱི་བཀའ་སློབ་ཟབ་རྒྱས་གནང་འདུག །